ខ្ញុំចាប់ផ្ដើមអានសៀវភៅនេះតាំងពីរសៀលថ្ងៃទី ១៣ ហើយចំណាយពេលជាង ២ ម៉ោង ទើបអានចប់ ។ ពេលអានចប់ភ្លាមក្នុងវេលាយប់នោះ ខ្ញុំមិនបានសរសេររៀបរាប់ពីសៀវភៅន...
ខ្ញុំចាប់ផ្ដើមអានសៀវភៅនេះតាំងពីរសៀលថ្ងៃទី ១៣ ហើយចំណាយពេលជាង ២ ម៉ោង ទើបអានចប់ ។ ពេលអានចប់ភ្លាមក្នុងវេលាយប់នោះ ខ្ញុំមិនបានសរសេររៀបរាប់ពីសៀវភៅនេះភ្លាមទេ ដោយគិតថានឹងសរសេរនៅថ្ងៃបន្ទាប់ ។ លុះស្អែកឡើង ខ្ញុំក៏មិនបានសរសេរដែរ ដោយគិតថាទុកចាំសរសេរក្នុងថ្ងៃនេះឯង ដែលត្រូវចំថ្ងៃនៃបកតិឧបោសថសីល ដើម្បីបានជាការចម្រើនបុណ្យកុសល និងបានជាធម្មសប្បាយក្នុងថ្ងៃឧបោសថសីលនេះ ។
សប្ដាហ៍មុន ខ្ញុំបានអានសៀវភៅ «ចំបាំងមាតុគ្រាម» និងសៀវភៅ «សត្រូវនៃព្រហ្មចរិយធម៌» ដែលលើកឡើងអំពីទោសរបស់មាតុគ្រាមដោយច្រើន ដូចដែលខ្ញុំបានរៀបរាប់ខ្លះមកហើយនៅក្នុងអត្ថបទមុន ។ នៅរសៀលថ្ងៃទី ១៣ ខែមិថុនា ខ្ញុំចូលទៅគេហទំព័រ ៥០០០ ឆ្នាំ ដើម្បីស្វែងរកសៀវភៅអានដូចសព្វដង ហើយក៏នឹកចង់អានសៀវភៅរបស់លោកគ្រូធម្មាចារ្យ អគ្គបណ្ឌិត ប៊ុត សាវង្ស ។ ដោយទើបតែបានអានសៀវភៅដែលពោលអំពីទោសរបស់មាតុគ្រាម ខ្ញុំក៏សម្រេចចិត្តយកសៀវភៅ «ស្ត្រីក្នុងព្រះពុទ្ធសាសនា» នេះ មកអានម្ដង ដើម្បីបានសិក្សាឈ្វេងយល់ឲ្យកាន់តែច្បាស់អំពីធម៌អាថ៌ព្រះពុទ្ធសាសនាត្រង់ចំណុចនេះ ។
ព្រះធម៌ដែលព្រះសម្មាសម្ពុទ្ធទ្រង់ត្រាស់ប្រកាសសម្ដែងប្រកបដោយអត្ថសេចក្ដីយ៉ាងក្រៃលែង ។ ការសម្ដែងព្រះធម៌របស់ព្រះសម្មាសម្ពុទ្ធទៀតសោត ព្រះអង្គសម្ដែងទៅតាមឧបនិស្ស័យនិងអធ្យាស្រ័យរបស់អ្នកស្ដាប់ ដែលព្រះអង្គជ្រាបដឹងយ៉ាងប្រត្យដោយព្រះញាណរបស់ព្រះអង្គ ដែលជាសព្វញ្ញុតញ្ញាណ ។ ពុទ្ធបរិស័ទដែលបានសិក្សាតិចតួចក្នុងព្រះសាសនានេះ ក៏គួរខិតខំសិក្សាបន្ថែមទៀត; យ៉ាងណា ៗ ក៏មានព្រះត្រៃបិដក និងលោកអ្នកសប្បុរសជាពហុស្សុត អាចពន្យល់ណែនាំក្នុងសេចក្ដីនោះ ៗ បាន ។ សេចក្ដីក្នុងសៀវភៅនេះ លោកគ្រូធម្មាចារ្យ អគ្គបណ្ឌិត ប៊ុត សាវង្ស បានសរសេររៀបរាប់ពិស្ដារល្មមយល់ចូលចិត្តបាន ។ លោកមានដាក់លេខយោងយ៉ាងច្រើនទៀតសម្រាប់អ្នកអានចូលទៅសិក្សាស្វែងយល់បន្ថែមឲ្យកាន់តែពិស្ដារទៀតនៅក្នុងព្រះត្រៃបិដក ។
 |
| ៥០០០ ឆ្នាំ |
ព្រះធម៌ដែលព្រះសម្មាសម្ពុទ្ធទ្រង់ត្រាស់ប្រកាសសម្ដែងប្រកបដោយអត្ថសេចក្ដីយ៉ាងក្រៃលែង ។ ការសម្ដែងព្រះធម៌របស់ព្រះសម្មាសម្ពុទ្ធទៀតសោត ព្រះអង្គសម្ដែងទៅតាមឧបនិស្ស័យនិងអធ្យាស្រ័យរបស់អ្នកស្ដាប់ ដែលព្រះអង្គជ្រាបដឹងយ៉ាងប្រត្យដោយព្រះញាណរបស់ព្រះអង្គ ដែលជាសព្វញ្ញុតញ្ញាណ ។ ពុទ្ធបរិស័ទដែលបានសិក្សាតិចតួចក្នុងព្រះសាសនានេះ ក៏គួរខិតខំសិក្សាបន្ថែមទៀត; យ៉ាងណា ៗ ក៏មានព្រះត្រៃបិដក និងលោកអ្នកសប្បុរសជាពហុស្សុត អាចពន្យល់ណែនាំក្នុងសេចក្ដីនោះ ៗ បាន ។ សេចក្ដីក្នុងសៀវភៅនេះ លោកគ្រូធម្មាចារ្យ អគ្គបណ្ឌិត ប៊ុត សាវង្ស បានសរសេររៀបរាប់ពិស្ដារល្មមយល់ចូលចិត្តបាន ។ លោកមានដាក់លេខយោងយ៉ាងច្រើនទៀតសម្រាប់អ្នកអានចូលទៅសិក្សាស្វែងយល់បន្ថែមឲ្យកាន់តែពិស្ដារទៀតនៅក្នុងព្រះត្រៃបិដក ។
លោកគ្រូធម្មាចារ្យ អគ្គបណ្ឌិត ប៊ុត សាវង្ស ជាសប្បុរសដែលជាពហុស្សុត លោកមានបញ្ញាណាស់; តាមរយៈការស្ដាប់ការអានកន្លងមក លោកវិនិច្ឆ័យធម៌អាថ៌បានល្អត្រឹមត្រូវណាស់ ។ លោកពោលតែធម៌ មិនវង្វេងច្របូកច្របល់ទៅណាក្រៅពីធម៌ឡើយ ។ ខ្ញុំធ្លាប់បានស្ដាប់កិច្ចសម្ភាសន៍របស់វិទ្យុមួយ ដែលមាន លោកគ្រូធម្មាចារ្យ អគ្គបណ្ឌិត ប៊ុត សាវង្ស ជាអ្នកបកស្រាយសំណួរ ។ តាមស្ដាប់ទៅ អ្នកសួរសំណួរបានសួរនូវសំណួរដែលមានចរិតលក្ខណៈនយោបាយ ។ អ្នកសួរគិតតែពីសួរទាញទៅរករឿងរ៉ាវផ្នែកនយោបាយ លោកគ្រូធម្មាចារ្យ អគ្គបណ្ឌិត ប៊ុត សាវង្ស ឆ្លើយតែពីធម៌ មិនមានឃ្វាងឃ្លៀងឃ្លាតពីធម៌ឡើយ ហើយត្រូវត្រង់ចំសំណួរនោះល្អទៀត ។ នេះទើបជាបណ្ឌិតក្នុងព្រះពុទ្ធសាសនាមែន ពោលតែធម៌ មិនពោលអ្វីឃ្លាតចាកពីធម៌ឡើយ ។ មួយទៀត ក្នុងភាពជាបណ្ឌិត ជាសប្បុរស ជាពហុស្សុត លោកមិនដែលឡេះឡោះ ពោលពាក្យសម្ដីលេងសើចឡើយ ។ បើគង់មានពាក្យខ្លះដែលយើងស្ដាប់ទៅហើយ មានទំនងដូចជាគួរឲ្យចង់សើច ក៏គង់នៅតែជាពាក្យសម្រាប់សិក្សារៀនសូត្រ; ជាពាក្យដែលយើងសើចហើយត្រូវពិចារណាក្នុងធម៌ មិនមែនជាពាក្យសើចលេងអត់ប្រយោជន៍ទៅនោះទេ ។ គុណធម៌ ចរិយា និងបញ្ញាស្មារតី របស់លោកសមនឹងឈ្មោះជាបណ្ឌិតពិតមែន; ជាអគ្គបណ្ឌិតក៏នៅតែសក្ដិសមក្រៃលែង ឥតមានទើសទាស់អ្វីបន្តិចសោះឡើយ ។
ខ្ញុំគិតថាខ្ញុំរៀបរាប់អំពីសៀវភៅ «ស្ត្រីក្នុងព្រះពុទ្ធសាសនា» នេះ អមដោយការពោលសរសើរគុណលោកគ្រូធម្មាចារ្យ អគ្គបណ្ឌិត ប៊ុត សាវង្ស ប៉ុណ្ណឹងចុះ (ខ្ញុំនឹងពោលរៀបរាប់បន្ថែមនៅឱកាសក្រោយទៀត) ។ បើលោកអ្នកចង់អានសៀវភៅនេះ សូមអញ្ជើញចូលទៅទាញយកពីគេហទំព័រ ៥០០០ ឆ្នាំ ចុះ ។ សូមអនុមោទនា !
ម៉ោង ៤:២៤ នាទី រសៀល
ខ្ញុំគិតថាខ្ញុំរៀបរាប់អំពីសៀវភៅ «ស្ត្រីក្នុងព្រះពុទ្ធសាសនា» នេះ អមដោយការពោលសរសើរគុណលោកគ្រូធម្មាចារ្យ អគ្គបណ្ឌិត ប៊ុត សាវង្ស ប៉ុណ្ណឹងចុះ (ខ្ញុំនឹងពោលរៀបរាប់បន្ថែមនៅឱកាសក្រោយទៀត) ។ បើលោកអ្នកចង់អានសៀវភៅនេះ សូមអញ្ជើញចូលទៅទាញយកពីគេហទំព័រ ៥០០០ ឆ្នាំ ចុះ ។ សូមអនុមោទនា !
ម៉ោង ៤:២៤ នាទី រសៀល
COMMENTS